Leitlun nikhua thlengawknak ruangah
khuarel siattonnak a tong tambik thei dinhmun ah Myanmar khal a um ve thu Notre
Dame Global Adaptatin(NB-Gain) cazin tuahmi in theih a si.
Asia khawmual ihsin khuarel siatton
thei dinhmun besia bik ih um hi Myanmar, Pakistan, North Korea pawl an si ih a
tambik cu Africa khawmual ram pawl an si.
Khuarel siattonnak tong mal bik
dinhmun ih um pawl cu Australia ram le Europe khawmual hrekkhat pawl an si.
“Leitlun mifim mithiam pawl in
nikhua a thlengawk cak zia an theihnak hi kum sawmbi tam zet a rei lo. Hmailam
kan tefa hrangah ziangtluk a tihnung um ti tla an hmu cia ko. Asinan tui’
netabik thil umdan ah hi thu hi Leitlun ram hruaitu pawl in tu tiang an
ngaihsak lo ih tlunah nikhua thlengawknak ih a suahpimi ih a tihnung zia khal
an pop hrih lo ti a lang” tiah Myanmar nikhua tahnak lam thiamsang Dr. Tun Lwin
in a facebook parah a ngan.
Kan dung August thla ah France ram
Paris khuapi ah a vei (20)nak leitlun nikhua thlengawknak hrang master plan
suai theinak dingah lairelnak an nei ih cutawk ah ram(200) sung ihsin
ramhruaitu minung 150 lenglo an tel.
Khuarel siattong theibik ram pawl
kan zoh asile ram farah pawl asimi Asia khawmual laili, South East Asia ram
pawl, Africa ram pawl le America thlanglam ram pawl an si.
0 comments:
Post a Comment