Sih-ni sang thei lo Chinmi hrang Chin Legal Network in a lak in Sih-ni tuan sak ding

Thubuai neih tikah courts ih Sih-ni sang thei lo Chinmi an um le Chin Legal Network,Kalaymyo in a lak in Sih-ni an tuan sak ding tiah theih a si.

Chin Legal Network, Kalaymyo sungtel pawl

“Thubuai nei ih Sih-ni hmang thei lo rethei pawl kha kanmah Chin Legal Network ih pomdan thawn a milawk sile free in kan buaipi ding. Ahleice in Kalaymyo ih thubuai lawng kan buaipi thei ding, khawpi dang cu suksonak a tul ih a harsat deuh lai. Pehtliah duh hrangah Laimi Sih-ni pohpoh hnen ah sim theih a si” tiah Kalaymyo district courts ih Sih-ni Salai No Hmung in a sim.

Chin Legal Network in bom ding ih an ruatmi cu mi rethei ngaingai a si ding, Sual puhmawhmi in mipi siatsuahnak a suah ter lomi a si ding. Thimnak ah Zaan tin zuri ih kiangkap buaipi ringring ih an hekmi tivek pawl an si. Chin Legal Network hi 2015 kum ah an rak dinthok ih tu ah Chin mi pakhat ih thubuai pakhat an buai rero.