Falam sizung meicet leinak ah USA ah ni hnih sung second hand zuar

Falam sizung hrang meicet(20KV) leinak dingah USA ih um Arizona Falam Christian kawhhran in November ni 10-11 sun a second hand zuar in sumpai an hawl tiah thuthang kan ngah.

Lamzin pi(High way) kap ah 'Sale' catar keng in innsang bungrua an zuardan an ti lang(Zuk: Pastor Thang Moi)

“Thilri pawl hi kan rualpi Mirang mi neinung pawl in tha lai tho si an hman nawn lomi pawl in hlu. Cun hrek khat cu ramkulh dang ah an vai tikah an thilri an la paih nawn lomi pawl in thenmi tla a um. Cun kannih in cozah hnen in kum cem ah siah an ngahsal theinak dingah ca kan ngan sak ve” tiah Arizona Falam Christian Church ih Pastor Saya Thang Moi in a sim.

     Meicet leinak hi US $ 11,000(MMK ting 100 luan) a si ih kawhhran dangdang le bulpak tete ih hlumi thawn tu ah dollar thawng kua an ngah zo. Cun November 24-25 sun khal ah rawl zuar in fund an hawl sal ding.

    Thil an zuardan cu lamzin pi kap ah thil kan zuar ‘Sale’ timi catar keng in lamzin an hmuh ih zuar an si. Meicet hi Lailun Project-Falam pawl ih Falam sizung hrang thilri hlutmi pawl thawn December thla ah Falam ah a thleng cih ve ding.
Arizona Falam Christian Church pawl in Second hand innsang bungrua pawl lamzin kap ih an zuar lai(Zuk: Pastor Thang Moi)

Share on Google Plus

About Salai Lal Nun Uk

0 comments:

Post a Comment