Mahte innsang ih cinthlak le vulhzuat hnatuantu pawl hrangah cet fate pawl leinak hrangah kum tawi sum cawihnak tin kum (3) sung an cawih ding ih pipa deuh ih hnatuan duh hrangah kum (10) tiang sum an cawih ding tiah tlangbawi zung in theih a si.
“Fund kan ngahdan ih zir in ziangzat kan cawih thei ding ti kan rel leh ding” tiah Cinthlak, Vulhzuat le tikhuah lam tlangbawi zung ih director Dr. Ye Tin Thu in The Voice thuthang ah a sim.
Kum (10) sung sum an cawih dingmi pawl cu leilehnak cet, fang vuaknak cet, fang phunnak cet, fang phonak cet, fang zapnak cet, godam le Ar inn le nga kuang laihnak pawl hrang a si ding.
Tu takfang ah lothlo pawl hrang Myanmar Loram thansonak Bank in kum khat hrang sum an cawih rero ih kum (3) le kum (10) sum cawi duh pawl cun mah le ramkulh ramthen, khazeng le peng ih Cinthlak zungah a cipciar cu zingzoi theih a si tin Cinthlak, Vulhzuat le Tikhuah lam tlangbawi zung in a than.
0 comments:
Post a Comment