Falam Baibal thar an let thok

Falam Baibal thar cu NRSV Mirang Baibal sirhsan in CBU(Chin Baptist Union) hohanak thawn an let thok thlang tiah thuthang kan ngah. Baibal lettu hi Rev. Dr. Biak Hlei Mang le Rev. Dr. B.Luai Hre tla an si.


Rev. Dr. B. Luai Hre

Hi Baibal thar hi kum (5) sungih theh suak ding ih tumtahmi a si. Tu ah Rev. Dr. Biak Hlei Mang(US) cun thukam hlun lam in a let thok rero zo. Sinan Rev. Dr. Luai Hre cu Khualsim Baibal a letmi an suah thei hrih lo ih hmai kum in a let thok thei thlang ding.
“Kan Laimi lakah mithiam sang tampi an um vivo ih tong phunphun in Baibal kan siar thei zo tikah kan Baibal neih cia in tongfang a khengfuh lonak tete kan hmuh vivo. Cumi cu Baibal lettui’ tlaksamnak ah kan ruat. Cuti silo in Mirang Baibal an letnak a bangawk lo ruangah si. Curuangah Baibal

Rev. Dr. Biak Hlei Mang

version dangdang kan neih le a famkim deuh ding tin kan ruat. Cun Mirang pawl khal Baibal version tampi an nei ko. Baibal kan neih ciami kan hnawng ti a si lo” tiah CBU sungtuan Saya Biak Run Thang in a ti.

Saya Biak Hlei Mang cu kan dung thla lam in CBANA pastor pawl ih thlacamsaknak thawn Baibal a let rero zo.