Myanmar ram hriakti, gas le lungman khung pawl ihsin ngahmi sumpai sung in a hrekkhat lawng rampi cozah kut ah a lut tiah October ni 19 sun ih tuahmi Pyithuh hluttaw lairelnak ah Dagon peng palai Daw Thet Thet Khaing in a sim.
2016 Myanmar khursung suak hlawnthil pawl pholangmi casuah MEITI sirhsan in khursung suak hlawnthil ihsin ngahmi sumpai pawl rampi cozah hnen ih lut ding in tuah timi thu ah a tlunlam vek in a simnak a si.
Casuahmi sungah khursung suak hlawnthil pawl laktu pawl licence an pekdan, ziangvek tahfung thawn licence an pek tivek pawl le cozah le licence ngah company karlak ih lungkimnak pawl mipi hnenah lailang zet in an pholang thei lo tiah a ngan.
“Tu ah Myanmar hi EITI pawlkom sungtel a si nan tu tiang khursung suak hlawnthil pawl hi mibur khat lawng in a zar an zo lai. EITI tahfung vek rori an tuah asile mipi khal a zar an zo ve ding tlun mawhphurhnak la theitu company khal an hung suak ding” tiah Kachin Amyotha Hluttaw palai U Khin Maung Myit in BBC thuthang ah a sim.
0 comments:
Post a Comment