 |
| Sizung thilri pawl Yangon in Kalay phur ding ah motor parih an san rero lai(Chin Luai facebook) |
October ni 19 sun ah Yangon in an hung phur so ih tu hi Mongwa ah an um lai. Cun Kalay in Falam tiang hi Pu Pa Hee ih motor in a lak in a phurhsak ding. Yangon le Kalay karlak thilri phurhnak hi cozah in a lak in an phurhsakmi a si.
Falam a thlen in sizung ah motor an mawng lut pei ih sizung tuanvo neitu thawn cazin an apawk cih ding thu Falam ih rak tawlreltu Mai Ni Siang Par in a ti.
USA ih a rak tawlreltu Mai Van Sui Hnem in tu hi a thoknak lawng a si lai kilkip tu ai cak in kan tuan vivo lai ding tiah a ti.
“Kum reipi sung remcang lonak tam zet ko nan thlahsan lo in rauhsannak tumpi thawn thazaang in petu ka miphunpi pawl le sumpai lam in siseh, tuannak lam in siseh cat bang loin thazaang suahtu zate hnen khal ah ka lungaw zet. Falam mipi in tangkai le thahnempi zet ding tin thla ka cam. Cule himi hi a thok lawng a si lai, pehzom in kan zate’n kilkip in kan tuantlang thei” tiah Mai Van Sui Hnem in a sim.
USA ih um Mai Van Sui Hnem in 2013 ah a hnatuannak pawlkom in Africa ram lam ih sizung thilri an kuat theumi cu Falam sizung ih kuat ve dingin a tawlrel ih an rak lungkim pi. Himi an rak phurhmi sizung thilri pawl hi Kawl ram tangka in ting 300 sehvel man a si.
0 comments:
Post a Comment