Hakha Pyidawta bazar thar dot thum le hrek cu October ni 19 sun in an tuan thok ih thlaruk sungah thehfel thei an tum.
Himi bazar hi million 85 man a si ih a kauhlam ah pi 120x80 kau a si. Bazar an sak rero ruangah bazar hlun ih dawr nei ciatu 72 cu Kio Mang bualrawn ah bazar cu an thawn aw sung. Bazar saknak hrangah cozah in million 60 an budget ih cun dawr khan zuarnak man million 25 thawn an sakmi a si.“Tu hi bazar hlun kan bal rero ih kan theh si ko. Thla ruk sung ih theh thei kan duh ruangah a zamrang theibik in kan tuan ding” tiah Hakha peng cozah zung lam tuanvo neitu U Chan Faiang in a ti.
Bazar thar an sak theh tikah a malbik dawr khan 150 a suak ding ih bazar hlun ih to cia pawl an pek thluh ih a hleimi cu bazar tharsaknak committee ih rem a ti dandan in a duhduh in dil theih a si ding. A saktu ding company cu Design Exel Development a si.
0 comments:
Post a Comment