Paletwa peng Dochaung Wa khuami U Aung Yiat ih nupi kum (60) mi cu AA pawl ih an kah ruangah November ni 8 ah a thi tiah khuami pawl hnen in thuthang an ngah thu Khumi media in a tarlang.
 |
| November ni 8 sun AA ih kah ruangah tlawngta pakhat le nupi nu 3 hliam a tuartu Paletwa long cawlhnak in sizungah an zawn lai. |
U Aung Yiat ih nupi cu a pasal a besia tuk ruangah Malaysia
ih a fapa hnenah sizung umnak ding paisa dil ding in Paletwa ah phone be ding
in a feh. A kir lam long thawn an feh lai ah hivek ih vansiat a tonmi a si.
Hivek ih vansiat tonnak cu a rei zo nan phone biak theihnak hmun an
um lo tikah tu lawng ih thuthang an sim thanawk theinak tla a si. AA ralkap in
ral a buai thei ruangah khua leng vahsuah tikah ralring ding in thu a than ko
nan pehtlaihawknak that lo zarah khawte lam pawl cun ziang hman an rak thei
hrih lo.
Kan dung AA ruangah tlawngta pakhat a thih khal himi ni a
rak si. Tu ah ral ruangah Kung Pyin khuami minung 309 cu ral tih ah hmun dangah
an thawn aw.
0 comments:
Post a Comment