Myanmar ram
pumpuluk tlawnginn ah tlawngta kum 5-15 karlak pawl cu hmai zarh November ni
15-23 tiang Japan thluaknat(Japanese Encephalitis) kham sii an dawt ding.
Japan thluaknat hrik hi Vok, Vate, Rampai, Laileng, Palap pawl taksa ih um hrik
a si ih cutawk in minung ah a suan. Curuangah hi ramsa pawl kiang nai ih um
pawl a suan tam bik. Cun Mikeu in ramsa thisen a zuk duhbik tikah hivek ramsa
thi zuktu Mikeu pawl in minung thi an zuk bet tikah natnak a suan aw thei. Hi
nat nei ih an damsal hman ah taksam kimlonak lole thluak kim lo in an um lan
ta.
Tlawngkai hrih
lo le tlawng kai thei lo naute thla 9 in kum 15 karlak pawl an sile veng lal le
khaw lal pawl hnen ah December ni 11-20 tiang si dawt ding a si.
Myanmar ram ah
Japan thluaknat hi 2010-15 karlak ah minung 280 an um zo ih cumi lakah minung
pakhat a thi zo. Hi nathrik hi 1871 kum ah Japan ram ah hmaisabik an rak tong
ih Myanmar ramah cun 1974 kum ah Shan ram lam ah an hmu hmaisabik.
0 comments:
Post a Comment