Laizo khua in thaisun ah duhphorhnak an tuah thlang ding

Laizo khua minung (80) hrawng in thaisun November ni 6 zing Falam ah duhphorhnak an tuah ding tiah thuthang kan ngah.

2015 kum ah Laizo khua hlun inn pakhat a min zik lai

Lamzawhnak hi zing nazi 10:45 in an thok pei tlailam nazi 1 tiang a si ding. Cun an fehnak ding cu Tlanglo veng in Cinmual tiang lamzin pi an zawh vivo ding.
“Mah le duhnak men si ko. Kan Pu Luai le kan va leng, zaangfah ka dil rero nan in hnasaan lo pi” tiah Laizo khua duhphorhnak ih hohatu lakih pakhat a simi Pu Za Thang in a ti.
An au hla ding pawl cu ‘hrinhnam kilkhawnak hrang khuakom in pe uh’, ‘lailan te’n in tuah sak uh’, ‘rampi remdaihnak hnget seh’ ti pawl a si ding.
Cun catar dingmi cu tualsung mipi duhnak kalh in hramhram ih khuakom thiatbalmi kan duh lo, tualsung mipi duhnak thei ding in lailan te’n thil tuah uh, hrinhnam le tong kilkhawinak ah khuakom ah in ret hrih uh ti pawl a si.