Chin mino pathum thawn dinmi Oxygen group cu Myanmar ram pum huap X Factor hlasak zuamawknak ah Top 5 an tling ta.
Oxygen group sungtel pawl hmaisa ah hmeltheihnak nei hmaisa sehla, Salai Val Duat hi Tahan mi a si, cun R Myo Set hi Kalaymyo Tivar khuami a si ih Htun Thang hi Gangaw ih ummi a si.
Oxygen ih Salai Val Duat in “Ahmaisabik ah tu vek ih Top 5 dinhmun thleng thei ding ih lam in hruaitu Pathian ka thatthat. Cule Top 5 thleng thei ding in kanmah lam zuamnak lawng ih theihmi a silo i kannih Oxygen in duhdawttu, thlacamnak in siseh, thazang peknak tongkam in siseh, vote lam in siseh in tanpitu mipi nan zate parah simawk lo lungawinak kan nei”tiah a sim.
Top 5 hrilawknak ding ih an zuam dingmi hla hi vei khat hman an rak theih dah lomi le music style tla an sak dah lomi a si tikah an sak hlanahcun an thinphang zet nan mawi zet in an sak suak thei.
Tui’ zarh tlawngkai ni 6 zaan khal an zuamawk lala ding ih mipi vote tampi an tul sinsin ding. Curuangah online in siseh SMS in seh vote pek theih a si. Vote peknak ding cu MPT in asile 8606, Telenor asile 6666, Ooredoo asile 6002 ah Oxygen ih number X06 tin sim card pakhat in vei khat lawng SMS vote ding a si. Vote caan hi tlawngkai ni ruk zaan nazi 8 in cawlhni zaan nazi 7:45 tiang an ong theu. Online vote cu X Factor page ah a caan nai tikah link an run pe theu.
0 comments:
Post a Comment