Kachin pastor pahnih ralkap in thawng kum 4 le kum 2 an thlak thu ah ruahsak sal ding in KBC(Kachin Baptist Convention) in October ni 30 ah president hnenah ca an kuat.
Thuhla umdan cu Shan ram Mokung ah KIA le Kawl ralkap an kahawk laifang 2016 December n 24 zaan ah Mokung Kachin Baptist kawhhran hotu (kum 65) le an pastor (kum35) cu Mokung ih ralkap in an hruai ih thla khat sung an thi maw, an nung ti theih lo in an hrengbet. Cun 2017 October ni 27 sun ah Shan ram Lashio peng court ah an thu an relsak ih an pahnih in pukmah (17/1) le pukmah(500) le thilri kuatsuak lakluhnak daan in thawng kum 4 le kum 2 thla ding in thu an thencat.
“Ralkap thawn pehparmi thu pawl hi mipi thurel catnak court ih lai an rel tikah rualrannak a um dah lomi parah an thu ruahsak sal ding in kan lo dil a si” ti’n ca sungah an ngan.
KIA tel in ramhrin ralkap bu pawl le Kawl ralkap Tuluk le Kawl ram ramri ih an kah awk lai ah media pawl thuthang lak an sian lo caan ah hi tei' pahnih in Irawaddy thuthang latu cu thuthang ngan ih a tulmi data pawl a bawmtu an si ruangah hivek ih an kaihmi si ding ti'n hrek khat in an zum.
0 comments:
Post a Comment