Letpanchaung le kiangkap lo thlo pawl in Shwe Naga company ih tuahmi Top One fangrah thatnak dawm an hman ruangah lo lo neitu minung 97 ih lo eka (505) a siatsuah zo tiah theih a si.
 |
| November ni 9 sun ah pengpi Loram zung pawl Top One dawm ruangih siatmi lo pawl an hlah lai.(Zuk: Jesse Klirlungz) |
Himi cazin hi November ni (10) sun ih an ngahmi a si ih cazin lak hrih lonak hmun khal a um lai. Lo a siatsuahnak tambik khua cu Haikhawl a si ih inn (30) lenglo an ti. November ni (6) sun ah lo neitu inn (57) ih lo eka (313) fang a siatmi cazin an ngah.
“2017 fur fangcang vawi that duhah Shwe Naga company ih tuahmi Top One fangrah thatnak dawm kan lei ih kan hmang. Curuangah kan fang pawl a vui an suak thei lo, a vuimi tla an ro sal, a kung an eng tivek in an um. Hi thuhla kha Kalaymyo ih Shwe Naga company zung then ah phone in kan sim nan company thawn a pehpar aw lo ti lawng in in let ih tu tiang tuanvo an la duh hrih lo. Curuangah lothlo pawl kan sunralmi parah Shwe Naga company in lo eka pakhat ah fang tang (80) man thawn milaw in zaangna domnak in pek ding in le daan vek in cawhkuan ter ding ah in bawm uh” tiah November ni 6 ah Sagaing ramthen cozah tuanvo neitu pawl hnen ca an kuat.
0 comments:
Post a Comment