Catalonia in Spain ram ihsin zalennak a phuang

Spain ih ramthen pakhat a simi Catalonia in amah te’n ram pakhat ih dingding ah October ni 27 ah Calalonia hluttaw in zalennak a phuang.

Hluttaw sungah a ruk in vote an thlak ih minung 70 in zalennak duhlam ah vote an thlak ih minung 10 in an duh lo.
Hitin zalennak an phuan ruangah Catalonia mipi cu lamzin ah suakkhawm in aipuang in an lawm ciamco.
Tubang ih zalennak an phuan ruangah Spain cozah in Catalonia hruaitu pawl an hna ihsin cawlhter ding in le Spain cozah in direct ih hei uk dingah Spain vuanzi chuk Mariano Rajoy in rampi hluttaw ah October ni 27 ah thu a bur.

Minung tan 7 le hrek umnak Catalonia ah kan dung October ni 1 ah zalennak hrang mipi duhhrilnak vote an thlak hnu Spain cozah le Catalonia cozah karlak ah daanhrampi thu ah buaibainak a suak.

Spain ram ih mahte ukawk theinak ram 17 kilhbetnak ih tuahmi daanhrampi bung 155 cu a vei khatnak hmang ding cozah in a timlam rero.