Falam khawpi ih veng thar si seh tiah Lailun, Lungpi, Laizo, Zalai pawl cu October ni 23 sun ah Pyidangsuh Hluttaw ah an nemhnget.
Falam khawpi an kauhmi veng (4) hi eka (8227) a kau ih ahlan ah veng li a rak um zo mi thawn kom asile Falam hi veng riat a si thlang ding. Cun Falam khawpi sungih an nemhngetmi khua pawl cu cozah in an thiatbal cih.
“Kum zabi (21) san manmi kan tu le fa san khal in rem tul rero lomi town plan si ding in kan zuam ding. Cun hmai kum February thla ah rampi cozah lam in detail town plan kan suai lai ding” tiah Falam sipin hotu Pu Dar Lian Uk in a sim.
Lailun veng timi sungah C.Zamual khaw lu in a phei vivo ih lailun lungput ah thleng ih Sunthla khawthar pawl khal a tel cih. Veng thar pali hrangah tidai in ding khal tu ah an tuah thok rero zo.
“Ramsung ramleng ih um Falam mi le sa pawl inn le lo sakin kan Falam pi thangso ter dingah zuam cio uh si. Tu hi sipin ram ih nemhngetnak a si ih town plan a um cia zo vek in budget a ra vivo lai ding” tiah Falam peng Amyotha Hluttaw palai Pu Zung Hlei Thang in a sim.
0 comments:
Post a Comment