Japan thluaknat khamnak si cu rampumpuluk ah naute thla 9 in kum 15 karlak minung pawl si an dawt ding.
Si an dawt ding caan cu tlawnginn ah asile kum 5 in kum 15 karlak cu November ni 15-23 tiang tlawnginn ah si an dawt ding. Tlawngkai hrih lo le tlawng kai thei lo naute thla 9 in kum 15 karlak pawl an sile veng lal le khaw lal pawl hnen ah December ni 11-20 tiang si dawt ding a si.
Myanmar ram ah Japan thluaknat nei tu hi 2010-15 karlak ah minung 280 an um zo ih cumi lakah minung pakhat a thi. Hi nat nei ih an damsal hman ah taksam kimlonak lole thluak kim lo in an um lan ta.
Himi nat hrik hi Vok, Vate, Rampai, Laileng, Palap pawl taksa ih um hrik a si ih cutawk in minung ah a suan. Curuangah hi ramsa pawl kiang nai ih um pawl a suan tam bik. Cun Mikeu in ramsa thisen a zuk duhbik tikah hivek ramsa thi zuktu Mikeu pawl in minung thi an zuk bet tikah natnak a suan aw thei.
 |
| Japan Thluaknat hrik umnak hmun pawl |
Japan thluaknatnak ngah tikih umdan cu thawk le khat ih damlo, lu na, luakluak tivek pawl an si. Cun natnak ngah hnu ni 3 in ni 5 a hung rei le tidai le rawl ei hiar lo, lu zing, caih ih lungci mit phahphah, cumi theh in nunnak khal a liam thei.
Hi nathrik hi 1871 kum ah Japan ram ah hmaisabik an rak tong ih Myanmar ramah cun 1974 kum ah Shan ram lam ah an hmu hmaisabik.
0 comments:
Post a Comment