Laiva ih Falam tilaknak ding tiinn pi an tuan thok

Laiva tikhua in Falam hrang tilaknak ding tiinn pi cu October ni 12 sun ah an tuan thok tiah theih a si.

Falam Sipin hotu Pu Dar Lian Uk in ti inn foundation an laihmi a zoh lai (Zuk: Pu Dar facebook)

Himi tiinn pi hi gallon ting khat tlem a si ih inn pali an sak ding. Ti inn an saknak hmun cu Vankau bualrawn pehtlaihnak zun kiang ah (40’ 40’ 12’) tum in R.C in an sak ding.

“Vutnel hi Vaar le Kalaymyo ta hmang lo in Kalaywa ta lawng an hmang ding. Tidai metre tla tui’ kum ah zanga kan bun ding. Khawsung ah tidai peksuahnak khal hmaikum budget ah an tuah ding” tiah Falam peng Sipin hotu Pu Dar Lian Uk in a ti. Hmai kum 2018 March thla ih theh ding si