Tlawnginn a rawp deuh zomi Sadaw khua, Varpi khua le Kya Inn khua tlawnginn hrangah le tlawngta an karh ruangih nauhak tlem nawn lomi Vaphai khua tlawnginn saknak hrangah hmai kum 2017-18 budget kum ah cozah in sumpai a pek zo.
 |
| Tui' kum fur lai Sadaw khua tlawnginn |
A tlunkhuh rangva le a kap tlakrawh ih pi(90 x30) ih sak dingmi Sadaw khua tlawnginn saknak hrangah Tan 37.8 cozah in a pek. Varpi khua tlawnginn tlunkhuh rangva le a kap tlakrawh ih pi(120x30) kau ih saknak dingah cozah in Tan 50.4 a pek. Cun Kya Inn khua tlawnginn a tlunkhuh rangva le a kap tlakrawh ih dawl pi (100x30) kau saknak dingah cozah in Tan 84 a pek zo.
Vaphai khua ah tlawngta nauhak an tam sinsin ruangah tlawnginn cu RC dot khat pi (120x30) kau ih saknak dingah cozah in Tan 64.8 a pek.
Himi thu ah Kalay peng Pyithuh Hluttaw palai Pi Siami in “Tui’ budget ih a tel thei hrih lomi pawl hrangah ka thin a nuam lo zet ih hmailam ah budget ih tel thei ding in thei tawk in ka zuam ding. Cun mipi lam in ziangah kan khua ah thansonak duhsak cuang kan tul timi tla ruahnak in pek a tul. Ziangah tile ram pumpuluk peng tampi palai pawl in mah le peng ah budget ngah thei ding in hetchet tin kan dilmi a si tikah rampi sumpai neihmi thawn khaikhin in tuah a si tikah vei le khat ah a zate’n tuah cu a theih lo. A tahbenmi naute cu rawlkhawp a ngah ce ti bang in tlangbawi zung pawl ah kan bial ah budget tla tam ding in kan va relpi theu” tiah a facebook page ah a tarlang.
0 comments:
Post a Comment