Zanniat Baibal final an cek zo nam ding lawng a hmabak

Zanniat Baibal cu October ni 24 sun ah Myanmar Bible Society ah netabik an cek zo ih nam ding lawng a hmabak tiah theih a si.

Myanmar Bible Society GS Rev. Kawi Lam Thang le Zanniat Baibal tawlreltu Saya Hrang Hmung le Saya Nun Lian Thang(Zuk: CJ Hrang Hmung facebook)

    “A hrawpi(Draft) kan theh zo. Himi in nam thei dingah format an rem ding. November zarh hnih hrawngah nam cih thei ding ih format an tuahmi kan cek sal ding. Cumi theh cun kan nam thlang ding” tiah Zanniat Baibal tawlreltu lakih tel Rev.Dr. CJ Hrang Hmung in a sim.
Zanniat Baibal hi thukam hlun le thukam thar pahnih kom a si ding ih tu hi TEV Baibal sirhsan in Rev. Nun Lian Thang in 2011 kum in a rak let thokmi a si. Cun kum 2000 hrawngah Myanmar Bible Society ih theihpi loin Dr. Nai Sang in King James Baibal sirhsan in Zanniat Baibal a rak suah dah.
    “Mipi lam in an hngakhlap zet nan duh vek in zamrang in kan suah thei lo hi a poi kan ti cio. Hnatuan ding process hi dot 4-5 lai a um ruangah theh hlohhli a theih lo” tiah Rev. Dr. CJ Hrang Hmun in a simbet.
    Netabik an cekfel ciami hi Korea ah nam ding in an kuat pei ih a nam caan hi thla 5 lenglo an rei theu.