Falam kawhpi an kauhbetmi veng pali hrangah gallon ting khat tlem ti inn pathum an sak rero tiah Falam peng Sipin hotu Pu Dar Lian Uk hnen in thuthang kan ngah.
October ni 23 sun ah Lungrang, Laizo le Zalai veng pawl in ding ti inn cu Lungrang District meiphal bu zung sak ah an tuan thok. Himi ti inn hi gallon ting khat tlem pi 40x40x12 a tum RC ih sak ding a si ih million 90 cem in an tuah ding.
“Falam khuapi kum 50 daih town plan thawn mil aw in Sipin in plan le project kan tuahmi a si” tiah Pu Dar Lian Uk in a ti.
Cun Lungpi veng le Lungpi cinthlak tlawnginn pawl hrangah Lungpi Lailak tlawnginn sak ah ti inn pakhat an sak leh ding. Lailun veng hrek khat le Tlanglo veng hrek khat pawl in ding hrangah Tlanglo veng datsi zuarnak Vankau zinpial sak ah ti inn pakhat an sak bet ding.
Hi ti inn pathum saknak pawl hi 2016-2017 budget ih tuahmi a si ih hmai kum March thla cem ih theh thluh ding an si.
October ni 23 sun ah Pyidangsuh Hluttaw in Lailun, Lungpi, Laizo, Zalai khua pawl cu Falam khawpi ih veng si seh tiah an nemhnget.
0 comments:
Post a Comment